उदयपुर । कोरोना भाइरसको महामारीमा देश लडिरहेका बेला त्यसैको फाइदा उठाउदै अबैध लागूपदार्थ बिक्रीवितरण गर्ने उदयपुरमा दुइ जना पक्राउ परेका छन्।
उदयपुरगढी गाउँपालिका ७ कोल्टेमा आइतबार साँझ ७ बजे अवैध लागूऔषध गाँजा सहित दुई जनालाई प्रहरीले पक्राउ गरेको हो ।
अबैध लागूऔषध गाँजा विक्री वितरण भईरहेको सुचनाका आधारमा स.१० प ९०१६ नम्बरको मोटर साइकल सहित दुई जना पक्राउ परेका हुन् ।
पक्राउ पर्नेमा उदयपुरगढी गाउँपालिका ७ बस्ने ६८ वर्षिय नारायणप्रसाद हुमागाई र सुरुङ्गा नगरपालिका ७ बस्ने १९ वर्षिय राधेश्याम भन्ने किशोर लभरियालाई १ केजी ६ सय ग्राम सहित पक्राउ परेका हुन् ।
पक्राउ परेकाहरुलाई आवश्यक अनुसन्धानको लागि जिल्ला प्रहरी कार्यालय उदयपुरमा राखिएको छ ।
