काठमाडाैं : सोमबार साँझ नेपालका प्रधानमन्त्री केपी ओली र युएईका युवराज माेहम्मद बिन जायद अल नाह्यनबीच टेलिफोन वार्ता भएको छ।
टेलिफोना वार्ताका क्रममा दुबईका नेपालीहरुको अवस्थाबारे प्रधानमन्त्री ओलीले जिज्ञासा राखेका थिए । प्रधानमन्त्रीको जिज्ञासाको जवाफमा युएईका युवराज जायदले नेपालीहरु सुरक्षित रहेकाले त्यसबारे प्रधानमन्त्रीलाई ढुक्क रहन आग्रह गरेका छन्।
युवराज जायदसँग सम्बाद भएको जानकारी गराउदै प्रधानमन्त्रीले ट्विटरमार्फत भनेका छन् – युएईका युवराजसँग मेरो टेलिफोन संवाद भयो। त्यहाँ रहेका नेपालीहरुको सुरक्षाको सन्दर्भमा मैले राखेका जिज्ञासामा उहाँले भन्नुभयो– नेपालीहरु इमान्दार र परिश्रमी छन्। उनीहरुले युएईको आर्थिक विकासमा पु(याएको योगदानको प्रशंसा गर्दछु। ढुक्क रहनुहोस्– नेपालीलाई युएईका नागरिकसरह नै व्यवहार र सहयोग गर्छौं।
… ढुक्क रहनुहोस्– नेपालीलाई युएईका नागरिकसरह नै व्यवहार र सहयोग गर्छाैं ।
— K P Sharma Oli (@kpsharmaoli) April 6, 2020
