उदयपुर – उदयपुरको कटारीनगर पालिकाका एक ब्याबसायीले कोरोना संक्रमण रोक्न सरकारले गरेको लकडाउनबाट प्रभावित ज्यालामजदुर र अति बिपन्न हरुलाई खाद्यान्न वितरण गरेका छन्।
कटारी नगरपालिका ४ मरुवा बस्ने नेपाली कांग्रेसका नेता कृष्ण थापाले ज्यालामजदुरी गरि खाने र अति बिपन्न हरुलाई खाद्यान्नको अभाब हुन् नदिन १०७ मन धान बितरण गरेका हुन्।
नगरपालिका सँग समन्वय गरि धान वितरण गर्ने योजना बनाए पनि नगरले बेवास्ता गर्दा अन्य छिमेकीको सहयोगमा बिपन्न र ज्यालामजदुरी गरि खानेलाई सहजता ल्याउन खाद्यान्न सहयोग गरेको थापाले जानकारी दिए।
ज्यालामजदुरी गरि खाने र बिपन्नहरुको अबस्था हेरी १०० बढी घर परिवारलाई धान वितरण गरेको थापाले बताए।
