कोरोना भाइरसका कारण विश्वमा सबैभन्दा बढी मृत्यु अमेरिकामा भएको छ। अमेरिकामा आइतबार (अप्रिल १२ ) सम्म कोरोना भाइरसका कारण निधन हुनेको संख्या २० हजार ५ सय २७ पुगेको छ।
कोभिड-१९ बारे अपडेट गर्दै आएको वर्ल्डोमिटर्स डट इन्फोका अनुसार आइतबार बिहानसम्ममा अमेरिकामा मृत्यु हुनेको संख्या २० हजार ५ सय २७ पुगेको हो ।
अमेरिकामा ५ लाख ३२ हजार ८ सय ७९ व्यक्तिमा यसको संक्रमण देखिएको छ। त्यस्तै युरोपेली राष्ट इटालीमा पनि १९ हजार ४ सय ६८ जनाको ज्यान गएको छ। इटालीमा १ लाख ५२ हजार २ सय ७१ संक्रमित फेला परिसकेका छन्।
यस्तै स्पेनमा कोरोना संक्रमणबाट मृत्यु हुनेको संख्या १६ हजार ६ सय ६ पुगेको छ। त्यहा १ लाख ६३ हजार २७ जनामा संक्रमण देखिएको छ।
यता फ्रान्समा १३ हजार ८ सय ३२ जनाले ज्यान गुमाएका छन भने १ लाख २९ हजार ६ सय ५४ जनामा यो संक्रमण देखिएको छ।
विश्वभर कोरोना संक्रमणबाट मृत्यु हुनेको संख्या १ लाख ८ हजार ८ सय २२ पुग्दा १७ लाख ८० हजार २ सय ७१ मा यो भाइरसको संक्रमण देखिएको छ।
छिमेकी मुलुक भारतमा संक्रमितको संख्या ८ हजार ४ सय ४६ पुगेको छ भने २ सय ८८ जनाले ज्यान गुमाइसकेका छन्।
