उदयपुर । उदयपुरमा लकडाउन अवज्ञा गर्ने ३ जनालाई प्रहरीले मुद्धा दर्ता गरेको छ । आफु पनि संक्रमणको खतरामा र अरुलाई पनि खतरामा पार्ने गरी हिडेको पाईएकाले संक्रामक रोग ऐन २०२० अन्तर्गत उनीहरुलाई मुद्दा चलाइएको हो ।
एउटा मोटरसाईकलमा चढेका त्रियुगा नगरपालीका ३ बस्ने सुबज बयलकोटी, त्रिनपा १२ बस्ने जगदीश भगत र त्रिनपा ११ बस्ने रन्जन गुप्तालाई लकडाउनको डिउटीमा खटिएका प्रहरीले नियन्त्रण लिएको थियो ।
उदयपुर प्रहरीका अनुसार उनीहरुले विरामीको नाटक गर्दै प्रहरीलाई छल्न खोजेपनि प्रहरीले चेकजाँच गरेपछि गल्ती पत्ता लागेको थियो ।
पेट दुखेको वाहना गर्दै अस्पताल जान लागेको भनेर प्रहरीलाई झुक्याउने तीनैजनालाई चेकगर्दा कुनै समस्या नरहेको र अस्पताल पनि नहिडेको पत्ता लागेको थियो ।
ट्राफिक नियमसमेत उलंघन गर्दै लकडाउनको अवज्ञा गरेको पाएपछि मुद्दा चलाइएको जिल्ला प्रहरी कार्यालयका प्रमुख एसपी बीरबहादुर बुढामगरले जानकारी दिए ।
हाल उनिहरुलाई म्याद थप गरि कारवाहीको लागि अनुसन्धान भइरहेको एसपी मगरले जानकारी दिए ।(सांकेतिक तस्विर)
