उदयपुर । नोवेल कोरोना भाइरस (कोभिड–१९) का आशंका गरिएका उदयपुरमा १ सय ५ जनाको परीक्षण रिपोर्ट नेगेटिभ आएको छ । एक सय १२ जना मध्ये १ सय ५ जनाको कोरोना रिपोर्ट नेगेटिभ आएको हो । थ्रोट स्वाब (पिसिआर) विधिबाट गरिएको परिक्षणमा सबैको रिपोर्ट आएको हो।
त्रियुगा नगरपालिका ३ भुल्केमा मात्रै कोरोना संक्रमितको संख्या २८ पुगेपछि त्यहाँ आसपास क्षेत्रका सबैको स्वाब परिक्षण गरिएको थियो ।
त्रियुगा नगरपालिका २ मोथियाहीको ४ महिला सहित २० जना, चौदण्डीगढी नगरपालिकाको सिवाई लगात स्थानका ५ महिला सहित ५८ र स्वास्थ्यकर्मीको १४ महिला सहित २७ जनाको रिपोर्ट नेगेटिभ आएको छ ।
एक विद्यार्थी सहित बैदेशिक रोजगारबाट फर्केका ४ जना मध्ये एक जनामार्फत कोरोना भित्रिएको हुन सक्ने अन्तिम निचोडमा पुगेको स्वास्थ्य प्रमुख सुवेदीले जानकारी दिए । अव उनीहरुको बारेमा डिटेल जानकारी लिने बताए ।
अब कटारी नगरपालिकाको २ जना र बेलका नगरपालिका ७ मैनामैनीको ५ जनाको रिपोर्ट आउन बाँकी रहेको जनस्वास्थ्य कार्यालयले जनाएको छ।
