काठमाडौं । विश्वभर कोरोना भाइरस (कोभिड–१९) संक्रमितको संख्या ५४ लाख १ हजार ८ सय भन्दा बढी पुगेको छ । यस्तै ३ लाख ४३ हजारभन्दा बढी व्यक्तिको कोरोना संक्रमणबाटै मृत्यु भएको छ ।
कोरोनाबाट सबैभन्दा बढी प्रभावित अमेरिकामा १६ लाखभन्दा बढी संक्रमित छन् । त्यहाँ कोरोना संक्रमणबाट मृत्यु हुनेको संख्या झण्डै एक लाख पुगेको छ । कोरोनाको बिवरण राख्दै आएको वोर्ल्डोमिटरका अनुसार अमेरिकामा १६ लाख ६६ हजार ८ सय २८ जनामा संक्रमण पुष्टि हुँदा मृतकको संख्या ९८ हजार ६ सय ८३ पुगेको छ।
यसैगरी रुसमा ३ लाख ३५ हजार ८ सय ८२ जनामा संक्रमण भएको छ भने ३ हजार ३ सय ८८ जनाको मृत्यु भएको छ । ब्राजिलमा ३ लाख ४३ हजार३ सय ९८ जना संक्रमित छन् भने २२ हजार १३ जनाको कोरोना संक्रमणबाट मृत्यु भएको छ ।
बेलायतमा २ लाख ५७ हजार १ सय ५४ जनामा कोरोना संक्रमण पुष्टि हुँदा कोरोनाबाट ज्यान गुमाउनेको संख्या ३६ हजार ६ सय ७५ छ । स्पेनमा २ लाख ८२ हजार ३ सय ७० जना संक्रमित हुँदा मृतकको संख्या २८ हजार ६ सय ७८ छ ।
यस्तै इटालीमा २ लाख २९ हजार ३ सय २७ जना संक्रमित छन् भने ३२ हजार ७ सय ३५ ले कोरोनाबाट ज्यान गुमाएका छन्। फ्रान्समा १ लाख ८२ हजार ४ सय ६९ जनामा संक्रमणको पुष्टि हुँदा २८ हजार ३ सय ३२ जनाको कोरोनाबाट ज्यान गएको छ।
