उदयपुर – पाँच दिनयता हराईरहेका उदयपुर त्रियुगा नगरपालिका – १२ पुरानो गाईघाट घर भएका एक शिक्षक मंगलबार मृत अवस्थामा भेटिएका छन ।
स्थानीय ५५ बर्षीय ज्ञानबहादुर श्रेष्ठ त्रियुगा नगरपालिका – १३ स्थित भुसुने सामुदायिक वन क्षेत्रको रुखमा झुण्डिर मृत अवस्थामा भेटिएको जिल्ला प्रहरी कार्यालय उदयपुरले जनाएको छ।
प्रहरीका अनुसार करमको रुखमा भोर्लाको लहराले घाटीमा पासो लगाई झुण्डि मृत्त अवस्थामा श्रेष्ठ भेटिएका थिए।
खोटाङको दिप्रुङ चुईचुम्मा गाउँपालिका वडा न ४ वतासे वालिङ्खा विद्यालयको प्रधानाध्यापक समेत रहेका श्रेष्ठ ५ दिन पहिले हराएका थिए । विद्यालय जानका लागि झोला समेत तयारी गरिसकेका श्रेष्ठ हापपाइन्ट किन्न भनेर बजार गएका थिए ।
५ सय रुपैया बोकेर हापपाईन्ट किन्न गाईघाट बजार जान्छु भनेर हिडेका उनी नफर्किएपछि ५ दिन देखि खोजी भइरहेको थियो। लकडाउन अगावै श्रेष्ठ विद्यालयलाई आवश्यक पर्ने जस्तापाता लगायत निर्माण सामाग्री खरिद गर्ने भन्दै घर आएका थिए ।
तर, लकडाउनका कारण उनी घरमै रोकिएको प्रहरीले जनाएको छ । श्रेष्ठको बिद्यालय निर्माण कार्य भईरहेको छ । श्रेष्ठको बिषयमा थप अनुसन्धान भईरहेका प्रहरीले जनाएको छ ।
