उदयपुर । प्रधानमन्त्री केपी शर्मा ओलीको समर्थनमा उदयपुरमा बुधबार ओली पक्षका कार्यकर्ताहरुले प्रदर्शन गरेका छन् । अपरान्ह ४ बजे गाईघाटको लोकातान्त्रिका चोक बाट शुरु भएको विरोध जुलुसमा वर्तमान सरकारको वचाउ गरेका थिए ।
सत्तारुढ नेपाल कम्युनिष्ट पार्टी नेकपाको स्थायी कमिटी वैठकमा प्रधानमन्त्री वलीले प्रधानमन्त्री र अध्यक्ष दुबै पदबाट राजीनामा दिनुपर्ने बहुमतको माग चर्किए पछि प्रधानमन्त्री एंव नेकपाका अध्यक्ष ओलीका समर्थकहरुले गाईघाटमा प्रदर्शन गरेका हुन् ।
गाईघाटको लोकत्रान्त्रिक चोकमा भएको प्रदर्शन कार्यक्रममा नेपाली जनताहरु स्थिर सरकार र समृदीको पक्षमा रहेको र समृद नेपाल शुखी नेपालीको अभियानमा रहेका प्रधानमन्त्री ओली विरुद्ध पटक पटक नेतृत्वमा रही सरकार र पार्टी चलाएका हरुले नै राजिनमा माग गर्नु राम्रो नहुने चेतावनी दिएका थिए ।
अनावश्यक चलखेल बन्द गर, स्थिर सरकार कायम गर, पार्टी एकता मजबुत पारौं, अस्तिरता हामीलाई चाँहिदैन, सरकार ढाल्न पाईदैन, लगायतका नारा सहित पार्टी एकता को पक्षमा प्रदर्शन गरिएको थियो।
प्रदर्शन कार्यक्रममा पार्टीका जिल्ला कमिटी सदस्य, युवा, विद्यार्थी, मजदुर लगाएत ओलीका समर्थक जनताको उपस्थिती उल्लेखनिय रहेको थियो।
