उदयपुर -संसद् विघटनविरुद्ध नेकपा (अध्यक्ष पुष्पकमल दाहाल प्रचण्ड र माधवकुमार नेपाल) समूहले उदयपुरमा बिशाल बिरोध जुलुस निकालेको छ।
मंगलबार दिउँसो उदयपुरको गाईघाट बजारमा निकालेको जुलुसको नेतृत्व प्रचण्ड-नेपाल समूहका नेकपाका केन्द्रीय सदस्य समेत रहेका प्रदेश नम्बर १ का पार्टी सचिब तथा सांसद् सुरेशकुमा राई ‘हिमाल’, केन्द्रीय सदस्य तथा त्रियुगा नगरपालिकाका मेयर बलदेब चौधरी, केन्द्रिय सदस्य जगन्नाथ खतिवडाले गरेका थिए।
बिरोध जुलुश पछिको बिरोध सभालाई केन्द्रिय सदस्यहरू राई, खतिवडा, चाैधरी, प्रदेश सांसद नारायण बुर्जा मगर, सुनीता चौधरी लगायतका नेताहरुले संवाेधन गरेका थिए।
उनीहरुले प्रधानमन्त्री केपी शर्मा ओलीले गरेको असंबैधानिक कदमको बिरोध गर्दै तत्काल त्यसलाई सच्याउन माग गरेका थिए। बक्ताहरुले ओलीको यो कदम जनअपेक्षा बिपरित भएको उल्लेख गरेका छन्।
