उदयपुर — सर्वोच्च अदालतले प्रतिनिधिसभा विघटन गर्ने सरकारको निर्णय बदर गरेपछि उदयपुरमा दिप प्रज्वलन गरिएको छ । सर्वोच्च अदालतको संवैधानिक इजालासले पुस ५ गते सरकारले गरेको उक्त निर्णयलाई असंवैधानिक ठहर गर्दै बदर गरेको खुसियालीमा उदयपुर कांग्रेसले दीप प्रज्ज्वलन गरेको हो ।
नेपाली कांग्रेसका क्षेत्रीय सह- सभापतिको बसन्त बस्नेतको नेतृत्वमा उदयपुरको बिपि चोकमा नयाँ नेपालको नक्सा सहित अदालतले नेपाल र नेपालीको संबिधानको रक्षा गरेको खुसियालीमा दिप प्रज्वलन गरेको हो ।
दिप प्रज्वल्न कार्यक्रमलाई सम्बोधन गर्दै नेता बस्नेतले अहिले अदालतले संसद पुनःस्थापन गरेको प्रती खुसी ब्याक्त गर्दै यसको जस नेपाली कांग्रेसले लिन नसकेको मा दुख ब्याक्त गरे ।
“कांग्रेसका केहि सिमित नेताहरुको कारणले कांग्रेसले अहिलेको संसद पुनःस्थापनको जस लिन सकेन तर कांग्रेस सदा संबिधानबाद र लोकतन्त्रको पक्षधर हो” नेता बस्नेतले भने, ।
दिप प्रज्वलन कार्यक्रममा नेता बस्नेत सहित त्रियुगा नगरपालिका उपमेयर देबि चौधरी लगाएत कांग्रेसका सयौं कर्याकर्ता उपस्थित थिए ।
