काठमाडौं । निर्वाचन आयोगका पाँच पूर्वप्रमुख आयुक्तहरूले निर्वाचन आयोगलाई आफ्नो शाखको ख्याल गर्न आग्रह गरेका छन् । पूर्वप्रमुख निर्वाचन आयुक्तहरू सूर्यप्रसाद श्रेष्ठ, भोजराज पोखरेल, नीलकण्ठ उप्रेती, डा. अयोधिप्रसाद यादव, दोलखबहादुर गुरुङले विज्ञप्ति जारी गरेर आयोगलाई यस्तो आग्रह गरेका हुन् ।
आज एक विज्ञप्ति जारी गरेर राजनीतिक दलको विवाद निरुपणमा ढिलाइ गरेको भनेर आयोगको निर्णय क्षमता र स्वायत्तताका विषयमा उठाइएको प्रश्नहरूले गम्भीर बनाएको समेत उनीहरूले बताएका छन् ।
“आयोग अनिर्णयको बन्दी रहँदा त्यसले मुलुकको राजनीतिक प्रक्रियामा पार्नसक्ने गाम्भीर्ता तथा आयोगको आफ्नो शाखमा पर्न सक्ने असरलाई समेत विचार गरी प्रचलित कानुन र स्थापित नजिरहरूका आधारमा समेन यस विषयमा उपर्युक्त निर्णय यथाशीघ्र दिन आयोगसमक्ष आग्रह गर्दछौँ,” । बुधबार पाँच पूर्व प्रमुख निर्वाचन आयुक्तद्वारा जारी संयुक्त विज्ञप्तिमा थप भनिएको छ, “राजनीतिक दलको विवाद निरूपणमा ढिलाइ गरेको भनि निर्वाचन आयोगको निर्णय क्षमता र स्वायत्तताका विषयमा उठाइएका प्रश्नहरूले हामीलाई गम्भीर बनाएको छ।”
