उदयपुर । उदयपुरको ऐतिहासिक जिल्ला सम्मेलन भब्यताका साथ सम्पन्न भएको छ । दुई दिन सम्म चलेको जिल्ला सम्मेलन उदयपुर र उदयपुर कांग्रेसको इतिहास सँग जोडिएको उदयपुर गढिको नेपालटारमा सप्पन्न भएको हो ।
जिल्ला सम्मेलनले १३ औ अधिबेशन पछि अहिलेसम्मका गतिविधिहरुको प्रगति प्रतिबेदन र हाल सम्मकै आर्थिक प्रतिबेदनमा छलफल गरेको नेपाली कांग्रेस उदयपुरका सभापति बिदुर बस्नेतले बताए ।
सम्मेलनले उदयपुर कांग्रेसले १५ बुँदे आगामी कार्ययोजना समेत बनाएको सभापति बस्नेतले जानकारी दिए ।
ऐतिहासिक जिल्ला सम्मेलनको नेपाली कांग्रेसका युवा नेता गगन कुमार थापाले कांग्रेसका संस्थापक नेता बिपि कोइरालाको तस्वीरमा माल्यापर्ण गर्दै पिपलको बिरुवामा पानी हालेर उद्घाटन गरेका थिए ।
सम्मेलनलाई नेपाली कांग्रेसका केन्द्रीय सदस्य लक्ष्मी परियार, संघीय संसद प्रमिला राई, पुर्व पार्टी सभापति तथा प्रदेश १ संसद हिमाल कार्की, पार्टी सभापति बिदुर बस्नेत लगाएतका नेताले सम्बोधन गरेका थिए ।
जिल्ला सम्मेलनमा पार्टीमा विभिन्न मितिमा योगदान पुर्याएका ब्याक्तिहरुलाई सम्मान समेत गरेको थियो ।
