उदयपुर । विपक्षी गठबन्धनका विद्यार्थी संगठनले उदयपुरमा प्रधानमन्त्री केपी ओलीको पुत्ला जनाएका छन् । बुधबार विपक्षी गठबन्धन निकट विद्यार्थी संगठनले उदयपुरको सदरमुकाम गाईघाटमा प्रधानमन्त्रीको पुत्ला जलाएका हुन् ।
असंवैधानिक ढंगले प्रतिनिधिसभा पटक पटक विघटन भएको भन्दै आन्दोलित भएका नेपाली कांग्रेस, नेकपा माओवादी केन्द्र, नेकपा एमालेको माधवकुमार नेपाल समूह, जनता समाजवादी पार्टी र राष्ट्रिय जनमोर्चाका विद्यार्थी संगठनले प्रदर्शन र पुत्ला जलाएका हुन् ।
नेपालमा पेट्रोलियम पदार्थको मूल्य वृद्धि, खाद्यन्न सामग्रीको मूल्य वृद्धि, कालाबजारी विरुद्ध संयुक्त विद्यार्थी संगठनले विरोध गरेको नेविसंघका बिद्यार्थी नेता रोशन कार्कीले जानकारी दिए । उनका अनुसार राष्ट्रपति र प्रधानमन्त्रीको पुत्ला दहनको साथै मसाल जुलुस पनि गरिएको थियो ।
