उदयपुर । उदयपुरको बेलका नगरपालिकामा जंगली हात्तिको आक्रमणबाट एकको मृत्यु भएको छ । बेलका नगरपालिका २ रामनगरका ४० बर्षिय कमल यादवको जंगलीहात्तिको आक्रमणबाट घटना स्थलमै मृत्यु भएको हो ।
गएराति १०:३० बजे गाउँमा आएको जंगली हात्ती खेदाउनेक्रममा हात्तीको आक्रमण बाट यादवको घटनास्थलमै ज्यान गएको जिल्ला प्रहरी कार्यालय उदयपुरका प्रवक्ता प्रहरी नायव उपरीक्षक बेद प्रसाद गौतमले जानकारी दिए।
रातमा हात्तिको आक्रमणबाट यादवको मृत्यु भएको सुचना पाउना साथ प्रहरी चौकी भागलपुर बाट प्रहरी गएर घटनाको अनुसन्धान गरिरहेको प्रवक्ता गौतमले जानकारी दिए ।
