उदयपुर । उदयपुरमा ४० वर्षीया महिलामाथि सामूहिक करणी गरेको अभियोगमा चार युवा पक्राउ परेका छन् ।जिल्ला प्रहरी कार्यालय उदयपुर र अस्थाई प्रहरी पोष्ट नेपालटारबाट संयुक्त प्रहरी टोलीले अभियुक्तहरुलाई पक्राउ गर्न सफल भएको हो ।
सामूहिक करणी गरेको अभियोगमा मंगलबार उदयपुरगढी गाउँपालिका–६ सिन्कौले बस्ने २३ वर्षीय मदन पुलामी मगर, २० वर्षीय सुमन थापा र सोही ठाउँ बस्ने २ जना १८ वर्षीय किशोरहरू पक्राउ परेका हुन् ।
उनीहरु विरुद्ध जबरजस्ती करणी गरेको आरोपमा मुद्दा दर्ता समेत भईसकेको प्रहरीले जनाएको छ । यही असार १५ गते राति चारैैजनाले ती महिलालाई करणी गरेको खबर प्राप्त हुना साथ प्रहरी अभियुक्तको खोजीमा जुटेको थियो।
