नेपाली कांग्रेस उदयपुरले विभिन्न जटिल रोगका औषधि सहित स्वास्थ्य सामाग्री जिल्ला अस्पताल उदयपुरमा हस्तान्तरण गरेको छ ।कोरोना माहामारिका बेला आबस्यक पर्ने औषधि, मौसमी ज्वोरो अन्य जटिल किसिमका रोगका करिव दुई लाख बराबरको औषधि हस्तान्तरण गरिएको हो ।
उदयपुर कांग्रेसका नेता वसन्त बस्नेतले उदयपुर जिल्ला अस्पतालका मेडिकल सुपरिटेन्डेन्ट जीव नारायण मण्डललाई औषधि हस्तान्तरण गरेका हुन । औषधिको ब्याबस्थापन युवा नेता एलबी कार्कीले गरेका हुन ।
औषधि हस्तान्तरण कार्यक्रममा कांग्रेसका युवा नेताहरु एलबी कार्की,सुमन चौधरी, लिल बहादुर बस्नेत, रोशन कार्की, नवीन कटुवाल सुशील राई लगायत कांग्रेसका क्षेत्रीय प्रतिनिधिहरु उपस्थित थिए ।
औषधि हस्तान्तरण गर्दै नेता बस्नेतले थोरै भएपनी जनताको स्वास्थ्य सँग सम्बन्धित समान हस्तान्तरण गर्न पाएकोमा गौरवान्वित भएको र औषधिको ब्याबस्थापन गरेकोमा नेता एलबी कार्किलाई धन्यवाद दिए ।
