उदयपुर । परराष्ट्रमन्त्री डा. नारायण खड्काले मिडियाहरुलाई पुर्वाग्रह नराखी बस्तुपरक भएर कलम चलाउन आग्रह गरेका छन । प्रेस युनियन उदयपुरले आयोजना गरेको पत्रकार भेटघाट कार्यक्रममा बोल्दै मन्त्री खड्काले मिडियाहरुले सधै एथार्थमा रहेर बस्तुपरक भएर लेख्न आग्रह गरेका हुन ।
गृह जिल्ला उदयपुर आउने क्रममा बिराटनगर बिमानस्थलमा नेपालले जारी गरेको नक्सामा समेटिएका लिपुलेक लिम्पियाधुरामा जनगणना गर्न भारतलाई सोध्न पर्ने विभिन्न मिडियामा समाचार आएपछि उन्को अभिव्यक्तिको चौतर्फी आलोचना भएको थियो । सोही बिषयलाई लिएर मन्त्री खड्काले आफुले त्यो किसिमको अभिव्यक्ति नदिएको र मिडियाहरु आफैले पुर्वाग्रह राखी लेखेको बताए ।
“मैले तेस्तो कुरा बोलेकै छैन,” उनले भने, “मिडियाले लेखे तर मैले दिएको अभिव्यक्तिको रेकर्ड छ त्यहाँ हेरेपछि समाचार लेख्ने मिडियाले पनि आफ्नो कुरा सच्याएको छ भने मेरो अभिव्यक्ति कसरी विवादित भयो ?”
एमसिसीको बिषयमा पत्रकारले राखेको जिज्ञासामा एमसिसी संसदको बिजनेस भएको हुदा संसदले जे भन्छ त्यही हुने बताए । यस्तै अहिलेको सरकारको पहिलो प्राथमिकता कोरोनाको खोप सबै नागरिकलाई पुर्याउनु भएको बताए ।
