नेपाली कांग्रेसका संस्थापक नेता बिपि कोइरालाले सुरुगरेको मेलमिलाप दिवसको अवसर पारेर उदयपुरको गाइघाटमा ४६ औ मेलमिलाप दिवस मनाइने भएको छ ।
मेलमिलाप दिवसका अवसरमा भर्खरै सम्पन्न महाधिवेशनलाई समेत मध्यनजर गर्दै नेपाली कांग्रेसका नेता बसन्त बस्नेतको नेतृत्वमा शुभकामना आदनप्रदान लागि वनभोजको कार्यक्रम र मेलमिलाप दिवस कार्यक्रम गर्ने भएको हो ।
वनभोज कार्यक्रममा जिल्ला भरका सबै कांग्रेसका कार्यकर्ता तथा सुभेच्छुकहरुलाई निमन्त्रणा गरिएको नेता वसन्त बस्नेतले बताए ।
बनभोज कार्यक्रम सिर्प महाधिवेशनमा संलग्न भएका सबै कांग्रेसका कार्यकर्ता तथा प्रतिनिधिहरुलाई बधाई तथा शुभकामना दिनका लागि आयोजना गरेको नेता बस्नेतले बताए ।
उनले भने ” भर्खरै वडा देखि केन्द्र सम्मको महाधिवेशन सकिएको छ, महाधिवेशनमा भाग लिएका सम्पुर्ण कार्यकर्ता र प्रतिनिधिहरुलाई बधाई तथा शुभकामना दिनका निमित्त सजिलोका लागि मेलमिलापका दिन वनभोजको कार्यक्रम राखिएको हो ।”
यता जिल्ला कार्यसमिति उदयपुरको निर्णय अनुसार प्रतिनिधिसभा क्षेत्रमा समेत ४६ औं मेलमिलाप दिवस मनाइने भएको छ ।
