उदयपुर । नेपाली कांग्रेस १ नं. प्रदेश कार्य समितिले आसन्न स्थानीय निर्वाचनलाई लक्षित गर्दै प्रदेश सदस्यहरुलाई १४ जिल्लामा प्रतिनिधिका रुपमा खटाएको छ।
प्रदेश पदाधिकारीको तेश्रो वैठकले ‘घर–घर जाऔ, कांग्रेस जिताऔं’ अभियानलाई थप शसक्त र प्रभावकारी बनाउन प्रदेश सदस्यहरुलाई १ नं प्रदेशका १४ जिल्लामा प्रतिनिधि खटाएको हो।
शनिबार बिराटनगरमा बसेको पदाधिकारी बैठकले खोटाङका लागि सविता राई र सुमन परियार लाई प्रतिनिधिको रुपमा खटाएको छ । यस्तै सोलुखुम्बुका लागि कुमार लुईटेल र टेकेन्द्र काम्बाङ, ओखलढुङका लागि जितेन्द्र सिं ठकुरी र गान्धी माया तामाङ, उदयपुरका लागि केसर वस्नेत र दिनानाथ आचार्यलाई प्रतिनिधिका रुपमा खटाएको नेपाली कांग्रेस १ नं. प्रदेशका सहमहामन्त्री बिनोद बस्नेतले जानकारी दिए ।
सुनसरीका लागि सुनिता घिमिरे र उत्तम चौलागाँई, मोरङका लागि लक्ष्मी चौधरी र रेगिना भट्टराई, धनकुटाका लागि सुर्य राई (सुरज)र अन्जना राई, संखुवासभाका लागि कैलाश आले र निर्मला खड्का, तेहथुमका लागि निविन किशोर शाक्य र रामकुमार थापालाई प्रतिनिधि पठाईएको सहमहामन्त्री बस्नेतले बताए।
नेता बस्नेतका अनुसार भोजपुरका लागि विमला राई र लोकेन्द्र राई, झापाका लागि नन्दकुमार नेम्वाङ र राजेश गुप्ता, इलामका लागि हुकम सिं राई र फूलवती राजवंशी, पांचथरका लागि गोविन्द गिरी र हरिकला श्रेष्ठ र ताप्लेजुङका लागि देवित्रा आङदेम्वे र राजेन्द्र घलेलाई प्रतिनिधि खटाईएको छ।
यस अघि केन्द्रले देशभरका ७७ जिल्लामा प्रतिनिधि खटाइसकेको छ । केन्द्रबाट आउने प्रतिनिधिसंगै रहेर जिल्लामा आगामी चुनावका लागि रणनीति बनाउने जनताका घर घर पुगेर सरकारले गरेका कामको प्रचार प्रसार गर्ने लगाएतका जिम्मेवारी प्रतिनिधिलाई दिइएको सहमहामन्त्री बस्नेतले बताए ।
