उदयपुर । त्रियुगा नगरपालिका वडा न ५ का नव–निर्वाचित वडाध्यक्ष उद्धब कुमार थापा(केदार) ले जेठ १९ गते विहीबार पदभार ग्रहण गरेका छन ।
नगर प्रमुख बसन्त कुमार बस्नेतबाट जेठ १८ गते बुधबार सपथ ग्रहण गरे पश्चात थापाले वडा कार्यालयमा आफ्नो पदभार ग्रहण गरेका हुन ।
२०७४ सालको स्थानीय निर्वाचन बाट पनि अध्यक्ष थापा नेपाली कांग्रेसबाट अध्यक्षमा निर्बाचित निर्वाचित भएका थिए ।
आफ्नो दोस्रो पदभार सम्हाल्दै वडाध्यक्ष थापाले अफ्ना वडा बासीहरुलाइ एम्बुलेन्स सेवामा ५० प्रतिशत छुट दिने निर्णय गरेका छन । वडा अध्यक्ष थापाका अनुसार वडा भित्र रहेका मानसिक रोगिहरुलाई निशुल्क औशधी दिइने निर्णय समेत पहिलो दिन नै गरिएको छ ।
यस्तै आफ्ना वडाका गर्भवती महिलाहरुलाई प्रसुती अबस्थामा एम्बुलेन्स सेवा पुर्ण निशुल्क उपलब्ध गराउने निर्णय गरेका छन ।
जनताको आशा, अपेक्षा र भावना अनुरुप काम गर्ने वाचा गर्दै थापाले निर्वाचनमा सहयोग गर्ने सबैलाई अभार व्यक्त गरेका छन ।
