उदयपुर । त्रियुगा नगरपालिका वडा नं ८ का नव–निर्वाचित वडाअध्यक्ष राजकुमार राउत जेठ १९ गते विहीबार आफ्नो पदभार ग्रहण गरेका छन ।
नगर प्रमुख बसन्त कुमार बस्नेतबाट जेठ १८ गते बुधबार सपथ ग्रहण गरे पश्चात राउतले आज वडा कार्यालयमा आफ्नो पदभार ग्रहण गरेका हुन ।
आफ्नो पदभार सम्हाल्दै वडाध्यक्ष राउतले आफ्ना वडा बासीहरु मध्य अति बिपन्न नागरिकलाई स्वास्थ्य बिमा गरिदिने निर्णय गरेका छन ।
यस्तै आफ्ना वडाका गर्भवती महिलाहरुलाई प्रसुती अबस्थामा एम्बुलेन्स सेवा पुर्ण निशुल्क उपलब्ध गराउने निर्णय गरेका छन ।
नवनिर्वाचित अध्यक्ष राउतका अनुसार आर्थिक अभावको कारण शिक्षा बाट बन्चित अति बिपन्न बालबालिकालाई नि:शुल्क शिक्षाको ब्यबस्था गरिने निर्णय भएको छ ।
जनताको आशा, अपेक्षा र भावना अनुरुप काम गर्ने वाचा गर्दै राउतले निर्वाचनमा सहयोग गर्ने सबैलाई अभार ब्याक्त गरेका छन ।
