उदयपुर । त्रियुगा नगरपालिका वडा नं ९ का नव–निर्वाचित वडाअध्यक्ष राजकुमार दनुवारले जेठ १९ गते विहीबार आफ्नो पदभार ग्रहण गरेका छन ।
नगर प्रमुख बसन्त कुमार बस्नेतबाट जेठ १८ गते बुधबार सपथ ग्रहण गरे पश्चात वडाअध्यक्ष दनुवारले आज वडा कार्यालयमा आफ्नो पदभार ग्रहण गरेका हुन ।
आफ्नो पदभार सम्हाल्दै वडाध्यक्ष दनुवारले वडा नम्बर ९ लाई सुशासनमैत्री बनाएर नागरिकहरुलाई छिटो र सहज तरिकाले सेवा प्रदान गर्दै नमुना वडा बनाउने प्रतिबद्धता ब्याक्त गरे ।
नवनिर्वाचित अध्यक्ष दनुवारले आफ्नो पहिलो निर्णय गर्दै आर्थिक अभावको कारण शिक्षा बाट बन्चित अति बिपन्न बालबालिकालाई नि:शुल्क शिक्षाको ब्यबस्था गर्ने उद्घोष गरेका छन ।
