उदयपुर । उदयपुरका दुई जना युवालाई लागुऔषधसहित प्रहरीले नियन्त्रणमा लिएको छ ।
जिल्लाको चौदण्डीगढी नगरपालिका–६ बेल्टारका २९ वर्षीय अनिष र २५ वर्षीय कालु राईलाई प्रहरीले नियन्त्रणमा लिएको हो ।
हिजो बेलुका साढे ७ बजे रातमाटे स्थितमा ईलाका प्रहरी कार्यालय बेल्टारबाट खटिएको प्रहरी टोलीले प्रदेश १–०५–००१ प १४०७ नम्बरको मोटरसाईकललाई रोकी चेकजाँच गर्ने क्रममा लागुऔषध फेला परेपछि दुवैलाई पक्राउ गरेको हो ।
पक्राउ परेका उनीहरु दुवैको साथबाट फेनारागन–२८ एम्पुल, लिजेसिक–२८ एम्पुल र डाईजेपाम–२९ एम्पुल बरामद भएको प्रहरीले जनाएको छ ।
लागुऔषधसहित पक्राउ परेका दुवै जनाको थप अनुसन्धान भईरहेको जिल्ला प्रहरी कार्यालय उदयपुरले जनाएको छ ।
