उदयपुर । त्रियुगा नगरपालिका वडा नं ३ का वडा अध्यक्ष तिलक बहादुर कटुवाललाई पितृ शोक परेको छ । वडा अध्यक्ष कटुवालका पिता जय बहादुर कटुवालको ९१ बर्षको उमेरमा आज बिहान निधन भएको हो ।
सोमबार दिउँसो त्रियुगा नदीको घाटमा हिन्दु संस्कार अनुसार उनको दाहसंस्कार गरिएको छ।
नेपाली कांग्रेस जिल्ला कार्यसमिति सदस्य बम बहादुर कटुवालका पिता कटुवाललाई फोक्सो, किड्नी र निमोनिया समेतको समस्या देखिएको थियो ।
मृतक कटुवाललाई नेपाली कांग्रेसको झण्डा ओढाएर त्रियुगा नगरपालिकाका मेयर वसन्त कुमार बस्नेतले अन्तिम श्रदाञ्जाली दिएका थिए ।
