उदयपुर । उदयपुर जिल्ला समन्वय समितिमा तीन दलिय गठबन्धन हुने भएको छ । प्रमुख दल नेपाली कांग्रेस, नेपाल कम्युनिस्ट पार्टी माओवादी केन्द्र र नेपाल कम्युनिस्ट पार्टी एकीकृत समाजवादी बिच गठबन्धन हुने भएको हो ।
गठबन्धनका तर्फबाट नेकपा एसले प्रमुख लिने भएको छ भने कांग्रेसले उपप्रमुख सहित ३ सदस्य लिने भएको छ । माओवादी केन्द्रले ४ सदस्य लिने भएको छ ।
प्रमुख उपप्रमुख सहित ९ पदमा हुने निर्वाचनमा एमालेले एक्लै प्रतिस्पर्धा गर्ने भएको छ । समन्वय प्रमुखका लागि गठबन्धनका तर्फबाट नेकपा एसका गौर बहादुर बिश्वकर्मा र एमालेका इन्द्र राज कार्की बिच प्रतिस्पर्धा हुने भएको छ ।
यता उपप्रमुखमा गठबन्धनका तर्फबाट नेपाली कांग्रेसका तेज प्रसाद गिरि र एमालेका हिम कुमारी बिश्वकर्माले प्रतिस्पर्धा गर्ने भएका छन ।
यस्तै सदस्यमा गठबन्धनका तर्फबाट कांग्रेसका तीन सदस्य भिम चन्द्र राई, बिष्णु कटुवाल र मञ्जु कुमारी परियार रहेका छन । यस्तै माओबादिका इन्द्र बहादुर थापा, गोमा कार्की, बिन्दा कुमारी बिश्वकर्मा, पद कुमार राई र एमालेका तर्फबाट गणेश बहादुर श्रेष्ठ, तेज बहादुर थापा, सर्वजित राई, अंगुरा परियार, आशा परियार र नारायण राई रहेका छन ।
जिल्ला भरबाट पालिकाका प्रमुख र उपप्रमुख मतदाता रहने निर्वाचनमा ८ पालिकाका १६ मतदाता रहेका छन । जसमा गठबन्धनमा ११ मत रहेको छ भने एमालेको ५ मत रहेको छ । गठबन्धनका ११ मध्य नेपाली कांग्रेसका ३ प्रमुख सहित ४ उपप्रमुख गरेर ७ रहेका छन । माओवादी केन्द्रबाट ३ प्रमुख छन भने एस बाट १ रहेको छ ।
