गाईघाटमा जारी स्व : लालशेर राई २२ औँ मेयर फुटवल प्रतियोगिताको उपाधि ११ नं वडा गाईघाटले जितेको छ । मंगलवार भएको फाईनल खेलमा ५ नं वडालाई २/० को अन्तरले पराजित गर्दै उपाधी ११ नं वडाले आफ्नो पोल्टोमा पारेको हो ।
खेलको ३३ औँ मिनेटमा ११ नं वडाको तर्फबाट जर्सि नं ११ का दिवस श्रेष्ठले गोल गरी टिमलाई अग्रता दिलाएका थिए । हाफ पछि पून : जर्सि नं १५ का डेविट चौधरीले ७७ मिनेटमा पून : गोल गर्दै टिमलाई २-० को अग्रता दिलाउदै जितलाई सुनिश्चित गराएका थिए ।
खेल अबधिभर ५ नं वडाले भने कुनै पनि गोल फर्काउन सकेन । विजेता टिमले नगद ५० हजार सहित सिल्ड, प्रमाण पत्र प्राप्त गरेको छ भने, उपविजेता टिम ५ नं वडाले ३० हजार नगद सहित सिल्ड र प्रमाण पत्र प्राप्त गरेको छ ।
खेलाडीहरुलाई सिल्ड र प्रमाणपत्र वितरण गर्दै त्रियुगा नगरपालिकाका नगर प्रमुख वसन्त बस्नेतले खेलकुदले जिल्लालाई राष्ट्रिय र अन्तरास्ट्रिय रुपमा चिनाउने हुँदा खेलकुदलाई प्राथमिकतामा राखेर अगाडि बढ्ने बताए ।
