उदयपुर । बलात्कारीलाई जोगाउन प्रहरी प्रशासन मौन बसेको भन्दै नेकपा एमाले निकट विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियनले आपत्ति जनाएको छ ।
साउन १३ गते शुक्रवार एक बिज्ञप्ति जारी गर्दै अनेरास्ववियुले बलात्कार जस्तो जघन्य अपराधमा उजुरी पर्दा समेत कुनै चासो नदिएर मौन रहदा अपराधीले उन्मुक्ति पाउने भन्दै आपत्ति जनाएको हो ।
अनेरास्ववियु उदयपुरका अध्यक्ष प्रवेश ठकुरीले जारी गरेको बिज्ञप्तिका अनुसार आफ्नै बिद्यालयका शिक्षकले उदयपुरको सदरमुकाम गाईघाट आउने क्रममा शिक्षकले अनैतिक कार्य गरेको भन्दै बलात्कृत बालिकाका आफन्तले श्रावण ५ गते नै प्रहरी समक्ष उजुरी दिएका थिए ।
उजुरी दिएको एक हप्ता बिति सक्दा पनि प्रहरीले हाल सम्म कुनै चासो नदेखाएको र उल्टै पिडक बाट धाक धम्की आउने गरेको बिज्ञप्तिमा उल्लेख छ ।
हत्या हिंसा बलात्कार जस्तो जघन्य अपराधमा प्रहरी प्रशासनले संरक्षणको भुमिका खेल्ने गरि काम गर्नु निन्दनीय भएको र यस्मा अनेरास्ववियुको गम्भीर आपत्ति रहेको बिज्ञप्तिमा भनिएको छ ।
