उदयपुर । उदयपुरको बेल्टारका सुमन सेन्चुरी ‘द भ्वाइस अफ नेपाल’को चौथो सिजनमा ब्लाइन्ड राउन्ड पार गर्दै ब्याटल राउन्ड प्रवेश गरेका छन ।
हिमालय टेलिभिजनबाट प्रशारण हुने रियालिटी शो ‘द भ्वाइस अफ नेपाल’ सिजन चारमा कोच राजेश पायल राईलाई टर्न गराउदै ब्याटल राउन्डमा प्रवेश गरेका हुन ।
राजेश पायल राई, प्रमोद खरेल, राजु लामा र प्रविसा अधिकारी कोच रहेको सिजन ४ को ब्लाइन्ड अडिसनमा २३ बर्षिय सेन्चुरीले रुशन श्रेष्ठ र सुजिना श्रेष्ठले गाएको ‘छाडिदेउ तिम्रो आसा म फर्काउने छैन’ बोलको गित गाएका थिए ।
गितको सुरुमै टर्न गरेर आफ्नो टिममा स्वागत गरि सकेका राइका अलवा टर्न नगरेका अन्य कोचहरुले पनि सुन्चुरीको गायकीलाई प्रशंसा गरेका थिए ।
ब्लाइन्ड अडिसनमा प्रस्तुति दिनेमध्ये ६४ जना प्रतिभाले ब्याटल राउन्ड प्रवेशको मौका पाउने छन । हिमालय टेलिभिजनमा कार्यक्रम शुक्रबार र शनिबार राति ८ बजे प्रसारण हुँदै आएको छ ।
