उदयपुर। त्रियुगा नगरपालिकाले अति गरिव, मध्यम गरिव र सामान्य गरिवहरुलाई गरिवहरुको पहिचानका लागि गरिव परिचयपत्र बितरण सुरु गरेको छ ।
नेपाल सरकार भुमी व्यबस्था, सहकारी तथा गरिबी निवारण मन्त्रालय र स्थानीय सरकार साझेदारी कार्यक्रम अन्तर्गत आज एक कार्यक्रमका बिच त्रियुगा नगरपालिकामा बसोबास गर्दै आएकाहरुलाई गरिव परिचयपत्र वितरण गरिएको हो ।
त्रियुगा नगरपालिका भित्र १ हजार छयालीस घर परिवार गरिव रहेका छन । जस्मा अति गरिव ३ सय ७५ जना, मध्यम गरिव ३ सय ७३ र सामान्य गरिव २ सय ९८ रहेका छन ।
आज परिचयपत्र वितरण कार्यक्रमको पहिलो दिन अति गरिव ७ र मध्यम गरिव १ गरि ८ जनालाई नगर प्रमुख वसन्त कुमार बस्नेत र प्रमुख प्रशासकीय अधिकृत मान बहादुर वनले परिचयपत्र बितरण गरेका हुन ।
परिचयपत्र वितरण गर्दै नगरप्रमुख बस्नेतले गरिवहरुको पहिचानका लागि कार्ड अहिले वितरण गरिएको र उनिहरुको जिवन स्तर उस्कास्न नेपाल सरकार सँग समन्वय र सहकार्य गर्दै ठोस योजना ल्याएर काम गर्ने बताए ।
