उदयपुर । मंसिर ४ गतेको निर्वाचन लक्षित नेपाली कांग्रेस सहित गठबन्धन दलले चुनावी अभियान सुरु गरेको छ । असोज २३ गते मनोनयन पश्चात आन्तरिक छलफलमा रहेको गठबन्धन कार्तिक १ गते देखि चुनावी अभियानमा होमिएको हो ।
उदयपुर निर्वाचन क्षेत्र नं.१ प्रदेस ( ख ) मा सात दिने कार्यतालिका बनाएर त्रियुगा नगरपालिका भरिका सवै वडामा कार्यकर्ता तथा जनतासँग चुनावी साक्षत्कार कार्यक्रम गर्ने भएको हो ।
कार्तिक १ गते त्रियुगा नगरपालिकाका वडा नं १,२ र ३ मा कार्यतालिका अनुसार कार्यक्रम सम्पन्न गरेको छ । उदयपुर निर्वाचन क्षेत्र नं.१ का नेपाली कांग्रेसका प्रतिनिधि सभा उम्मेदवार डा.नारायण खड्का, प्रदेस ( ख ) का उम्मेदवार हिमाल कार्की लागाएत गठबन्धन दलका समानुपातिक उम्मेदवारहरु सहित चुनावी अभियानमा वडामा पुगि रहेका छन ।
४ दलिय गठबन्धनमा उदयपुर निर्वाचन क्षेत्र नं.१ प्रतिनिधि सभा नेपाली कांग्रेस, प्रदेस (क) माओवादी र प्रदेस ( ख ) नेपाली कांग्रेसको भागमा परेको छ ।
