उदयपुर । नेपाल विद्यार्थी संघ (नेविसंघ) उदयपुरको अध्यक्षमा रोशन कार्की मनोनित भएका छन । गत फागुन बाट रिक्त रहेको नेपाली कांग्रेसको भातृ संगठन नेविसंघमा कार्कीलाई (नेविसंघ) उदयपुरको अध्यक्षमा मनोनयन गरिएको हो ।
नेपाली कांग्रेस उदयपुरको सिफारिसमा कार्कीलाई अध्यक्षमा मनोनयन गरेको नेबिसंघ केन्द्रीय कार्यसमितिले जनाएको छ ।
२०६४ सालबाट नेबिसंघमा आवद्ध भएका कार्की २०७० सालमा इकाई सभापति हुँदै २०७३ सालमा त्रियुगा जनता बहुमुखी क्याम्पसको स्वतन्त्र विद्यार्थी युनियन (स्ववियु) सभापति भएका हुन ।
पार्टी राजनीतिमा समेत आफ्नो राम्रो प्रभुत्व बनाईसकेका कार्की पार्टीको १४ औं अधिबेशनमा लोकप्रिय मत सहित प्रदेश महाधिवेशन प्रतिनिधि बनी सकेका छन । संगठन निर्माणमा युवाहरुको पहिलो रोजाईमा पर्ने युवा नेता कार्कीले अध्यक्ष बने लगतै अव संगठन निर्माणमा लाग्ने बताए ।
फागुन ३ मा बसेको केन्द्रीय कार्यसम्पादन समितिको बैठकले नेविसंघ र तरुण दलसहित नेपाल महिला संघ, नेपाल प्रजातन्त्र सेनानी संघ, नेपाल किसान संघ, नेपाल आदिवासी जनजाति संघ, नेपाल लोकतान्त्रिक अपांग संघ, नेपाल तामाङ संघ, नेपाल ठाकुर समाज र नेपाल भूतपूर्व सैनिक संघका केन्द्रीय समिति भंग गरेको थियो ।
