उदयपुर । त्रियुगा नगरपालिका वडा नं. १२ का अति विपन्न समुदायका बालबालिकालाई न्यानो कपडा वितरण गरिएको छ । बिहिवार एक कार्यक्रमका बिच वडाअध्यक्ष चुडाराज काफ्ले र नेस्पेक उदयपुरका अध्यक्ष अर्जुन पोखरेलले संयुक्त रुपमा बालबालिकाहरुलाई न्यानो कपडा बितरण गरेका हुन ।
वडा क्षेत्रका ५० बालबालिकालाई न्यानो कपडा स्वरुप ज्याकेट र स्वीटर वितरण गरिएको छ । त्रियुगा नगरपालिका–१२ को आर्थिक सहयोगमा बाँडिएको न्यानो कपडामा नेस्पेक उदयपुरले कार्यक्रमको संयोजन तथा सहजीकरण गरेको हो ।
“बाल अधिकार हामी सवैको सरोकार” भन्ने नारा सहित गरिएको कार्यक्रममा बोल्दै वडा अध्यक्ष काफ्लेले जनसरोकारका बिषयमा वडा सधैं जनताको पक्षमा र गरिव असाहायको पक्षमा रहेको बताए । चिसोको समयमा पातलो कपडा लगाएर विद्यालय जाने गरेका बालबालिका न्यानो कपडास्वरूप ज्याकेट-स्वीटर राहत स्वरुप बितरण गरिएको अध्यक्ष काफ्ले जानकारी दिए ।
न्यानो कपडा अन्तर्गत बालबालिकालाई उपलब्ध गराइएको ज्याकेटले चिसो मौसममा राहत पुगेको अभिभावकले बताए ।
