गाईघाट । उदयपुर गाईघाटका युवाहरुले गाईघाटको पिजि चोकमा नेपालको राष्ट्रिय झण्डा लगाएका छन । मदन भण्डारी राजमार्ग अन्तर्गत पिजि चोकमा डिभाइडरमा राखेको ड्रममा राष्ट्रिय झन्डा लगाएका हुन ।
नेपाली कांग्रेस उदयपुरका जिल्ला कमिटी सदस्य नवीन कटुवालको अगुवाईमा झन्डा राखिएको हो । नेबिसंघ उदयपुरका युवा लगायत अन्य अगुवा युवाहरुको सहभागीतामा झन्डा राखिएको युवा विद्यार्थी नेता सुशील राईले बताए ।
यस अघि त्रियुगा नगरपालिकाको रजत जयन्तिको अवसरमा झन्डा राखिएको थियो । पहिले राखेका झण्डा मक्काएर पुराना भए पछि नयाँ झण्डा राखिएको नवीन कटुवालले जानकारी दिए ।
