उदयपुर । उदयपुर जिल्लाको त्रियुगा नगरपालिका ५ देउरीमा निःशुल्क स्वास्थ्य शिविर आयोजना हुने भएको छ । यही बैशाख २४ गते वडा नं ५ को आयोजनामा निशुल्क स्वास्थ्य शिविर गर्न लागिएको हो ।
विराट मेडिकल कलेजको प्राविधिक सहयोगमा शिविर सञ्चालन हुने भएको छ । स्वास्थ्य शिविरमा मुटु, पाठेघर, छाला तथा यौन रोग, नाक, कान, घाँटी, दम सम्बन्धि भिडियो एक्सरे, फिजिसियन, इसिजी, इको कार्डियो लगायतका सेवा प्रदान गरिने वडा नं ५ का वडा अध्यक्ष उद्धब थापाले बताए ।
आधा दर्जन विशेषज्ञ चिकित्सकहरुबाट शिविरमा सेवा दिईने अध्यक्ष थापाले जानकारी दिए । अध्यक्ष थापाका अनुसार ५ नं वडा बाहेकका अरु वडाका नागरिकहरुले समेत शिविरबाट सेवा लिन सकिने उनले बताए ।
