उदयपुर — उदयपुरको त्रियुगा नगरपालिका– १० चपनबाट बिहीबार साँझ साढे ८ किलोग्राम गाँजासहित एक जना पक्राउ परेका छन् ।
पहाडी क्षेत्रबाट गाँजा लिएर सदरमुकाम गाईघाट बजारतर्फ आउँदै गरेका रौतामाई गाउँपालिका–८ का ४९ वर्षीय डिकबहादुर लुङ्गेलीमगरलाई पक्राउ गरिएको निमित्त सूचना अधिकारी प्रहरी निरीक्षक मोहन थापाले बताए ।
मगरको साथबाट प्रतिबन्धित लागूऔषध ८ केजी ५८१ ग्राम गाँजा बरामद गरिएको प्रहरी निरीक्षक थापाले बताए ।
पक्राउ गरेका मगरलाई बिहीबार नै अदालतबाट ५ दिनको म्याद लिई अनुसन्धान सुरु गरिएको प्रहरीले जनाएको छ । पक्राउ गरिएका मगर जिल्ला प्रहरी कार्यालयको नियन्त्रणमा छन् ।
