उदयपुर । त्रियुगा नगरपालिकाले एकल महिला तथा विपन्न कृषकलाई आय मूलक अन्डी धान खेती कार्यक्रम अन्तरगत धानको बिउ र बिउ धान राख्ने टिन बक्स वितरण गरेको छ । विहिवार एक कार्यक्रम बिच नगर प्रमुख बसन्त बस्नेतले प्रत्यक कृषकहरुलाई ५ केजीका दरले धानको बिउ र टिन बक्स वितरण गरेका हुन ।
त्रियुगा नगरपाकिला वडा नं ९ स्थित डिपुटोलका १२ जना स्थानीय कृषकहरुलाई अन्डी धानको बिउ र बिउधान राख्ने टिन बक्स वितरण गरिएको हो । अन्डी धान लोप हुँदै गइरहेको अवस्थामा यसको संरक्षण गर्ने उद्देश्यले धानको बिउ वितरण गरिएको नगर प्रमुख बस्नेतले बताउनु भयो ।
” देश भर प्राय पुराना रैथाने जातका धान लगाइन छाडिएका कारण अन्डी धान लोप हुँदै गएको छ” मेयर बस्नेतले भन्नुभयो, “अन्डी धान बाट बन्ने परिकार बनाएर यसलाई ब्राण्डीङ गर्न सके पर्यटन प्रबर्धनमा पनि टेवा पुग्छ र परम्परागत संस्कृतिको पनि जगेर्ना हुन्छ ।”
लरबरे अन्डी धान संरक्षण कृषक समूहले अन्डी धान संरक्षणका लागि यो धान हुने क्षेत्रमा सामुहिक र एकल गरि विभिन्न समूह बनाएर खेती गराउन लागि परेको अध्यक्ष अर्चना दनुवारले बताइन ।
