गाईघाट । उदयपुरको त्रियुगा नगरपालिकाले कृषकलाई ट्याक्टर वितरण गरेको छ। चालु आर्थिक वर्षको बजेटबाट ५० प्रतिशत अनुदानमा दुई वटा ट्याक्टर वितरण गरेको हो । खेतीपाती लगाउने समय सुरु भएसँगै कृषि विकास शाखाले ५० प्रतिशत अनुदानमा ट्याक्टर र सतप्रतिशत अनुदानमा ३२ जना कृषकलाई पानी तान्ने मोटर वितरण गरिएको नगरपालिकाले जनाएको छ ।
प्रधानमन्त्री कृषि आधुनिकिकरण कार्यक्रम अन्तर्गत वडा नं ८/९ का कृषकलाई नगरपालिकाको ५०% अनुदानमा ट्याक्टर र साना सिंचाई कार्यक्रम अन्तर्गत ३२ वटा पानी तान्ने मोटर सहित मोटर जोड्ने आवस्यक समान र पाइप १००% अनुदानमा हस्तान्तरण गरिएको नगर कृषि शाखाले जनाएको छ।
कृषकको माग र आवश्यकताको आधारमा साढे १३ लाख बराबर पर्ने दुईटा ट्याक्टर र १० हजार पर्ने पानी तान्ने मोटर वितरण गरिएको हो । नगरपालिकाले कृषिमा आत्म निर्भर बन्ने उदेश्य सहित काम गरेकाले कृषकलाई कृषि आधुनिकिकरणका लागि कृषि यन्त्र वितरण गरिएको नगरपालिकाका प्रमुख बसन्त बस्नेतले बताए ।
कृषिलाई आधुनिकीकरण गर्दै कृषि पकेट क्षेत्रको विकासका लागि किसानका मागका आधारमा कृषि आंैजार वितरण गरिएको उपप्रमुख महेश्वरीलाई बताइन । कार्यक्रममा वडा नं ८ र ९ का वडा अध्यक्षहरु समेत उपस्थित थिए।
