गाईघाट । ‘नरेश सूर्या क्लासिक क्लासिक नेपाल २०२३’ क्लासिक फिजिक्स गोल्ड मेडेलिस्ट दिलिप चौधरीलाई त्रियुगा नगरपालिकाले नगद सहित सम्मान गरेको छ ।
त्रियुगा नगरपालिकाका मेयर बसन्त कुमार बस्नेतले बुधबार नगरपालिकाको कार्यालयमा एक कार्यक्रम गर्दै नगद सहित सम्मान गरेका हुन ।
त्रियुगा नगरपालिका १२ का खेलाडी चौधरीले अन्तराष्ट्रिय नरेश सूर्या क्लासिक बडी बिल्डिंग प्रतियोगितामा प्रथम स्थान हासिल गरेका थिए ।
‘नरेश सूर्या क्लासिक क्लासिक नेपाल २०२३’ मा प्रथम स्थान प्राप्त गर्न सफल भएकोमा खेलाडी चौधरीलाई बधाई दिदै नगद एक्काईस हजार र प्रमाणपत्र सहित सम्मान गरिएको नगरप्रमुख बस्नेतले जानकारी दिए ।
नगरप्रमुख बस्नेतले चौधरीलाई सम्मान गर्दै अन्तराष्ट्रिय पदक जितेर त्रियुगा नगरपालिकाको अन्तर्राष्ट्रिय जगतमा नाम उच्च राख्न सफल भएकोले सम्मान गरिएको बताए ।
सम्माम कार्यक्रममा त्रियुगा नगर खेलकुद विकास समितिका अध्यक्ष तथा पदाधिकारीहरु, प्रमुख प्रशासकीय अधिकृत, वडा अध्यक्षहरुको उपस्थिती रहेको थियो ।
सम्मानित चौधरीले यस अघि मिस्टर कन्चनजंगा दोस्रो संस्करणको समेत विजेता बनि सकेका छन । सम्मान कार्यक्रम त्रियुगा नगर खेलकुद बिकास समितिले आयोजना गरेको हो ।
