उदयपुर । लायन्स क्लब अफ बिराटनगर एक्टिभले ३ सय बढी विद्यार्थीलाई न्यानो कपडा वितरण गरेको छ । त्रियुगा नगरपालिका वडा नम्बर १३ मा रहेका २ वटा बिद्यालयका ३ सय २ विद्यार्थीलाई न्यानो कपडा सुइटर बितरण गरेको हो ।
श्री जनप्रेमी आधारभुत विद्यालयमा अध्ययनरत १ सय ५१ जना विद्यार्थी र श्री जनता आधारभुत बिद्यालयमा अध्ययनरत १ सय ५१ जना विद्यार्थीहरुलाई न्यानो कपडा आज त्रियुगा नगरपालिकाका नगर प्रमुख बसन्त बस्नेतले बितरण गरेका हुन ।
कार्यक्रमलाई सम्बोधन गर्दै नगर प्रमुख बस्नेतले जाडोबाट बचाउन बच्चाहरूलाई न्यानो कपडा सहयोग गर्ने संस्थालाई धन्यवाद दिए । मनवीय धर्म अनुसार सामर्थ्य हुनेले गरिव असाह्यहरुका लागि मानव सेवा गर्न कन्जुस्याइँ गर्न नहुने भन्दै मेयर बस्नेतले सरकार सँगसँगै आम नागरिक पनि समाज र देश प्रती जिम्मेवार बने समाज परिवर्तनमा अझ मदत पुग्ने दावी गरे ।
कार्यक्रममा लायन्स क्लव अफ बिराटनगर एक्टिभका मेम्बर, वडा अध्यक्षहरु नवीन चौधरी र अनिता थापा उपस्थित थिए ।
