उदयपुर । करिव एक करोडको लगानीमा उदयपुरको त्रियुगानगरपालिकाका चार वटालाई लक्षित गरी सिचाई कुलो योजनानिर्माण कार्य सुरु गरिएको छ । कोसी प्रदेशका उपसभामुख सृजना दनुवार र त्रियुगा नगरपालिकाका उपप्रमुख महेश्वरी राईले संयुक्त रुपमा सिचाई योजनाको शिलान्यास गरेका हुन ।
खेतीयोग्य जमिन भएर पनि सिचाईको अभाव झेल्दै आएका वडा नम्वर ६,७,८ र ९ लाई लक्षित गरी ९७ लाख ९८ हजार २ सय ९३ रुपैँयाको लागतमा देउराली गुम्वा सिंचाई योजना सुरु गरिएको हो ।
योजना शिलान्यास गर्दै उपसभामुख दनुवारले जनतालाई आर्थिकरुपले आत्मनिर्भर बनाउन सिचाई योजनाले महत्वपूर्ण भुमिका निर्वाह गर्ने विश्वास व्यक्त गरिन ।
६ सय ७५ मिटर लम्बाई सिंचाई कुलोमा संघ, प्रदेश, स्थानीय सरकारको ६० प्रतिशत, स्वीस सरकारको ३० प्रतिशत र उपभोक्ताको १० प्रतिशत लगानी रहेको छ। टोटल ३ हजार २ सय मिटर लामो सिंचाई कुलो निर्माण गर्ने उदेश्यले शुरु गरिएको योजनामा यस आर्थिक बर्षमा २५ हेक्टर जमिनलाई सिंचाई पुर्याउने उदेश्यले ६ सय ७५ मिटर कुलो निर्माण हुने छ।
४ वटा वडामा १ सय १५ हेक्टर जमिनलाई सिंचाई पुर्याउने योजनाको उदेश्य रहेको छ।
