उदयपुर । नेपाने बाट सदरमुकाम सहित पालिकाको प्रशासनीक केन्द्र संग जोड्ने छोटो दुरीको सडकको उद्घाटन गरिएको छ । चप्पन – भाङखर्क -धापखर्क -सिक्रेटी नेपाने सडकको एक कार्यक्रम गर्दै उद्घाटन गरिएको हो ।
त्रियुगा नगरपालिकाका मेयर वसन्त बस्नेतले वडा नं १४ का ४ गाउलाई जोड्ने उक्त धुले सडकको बुधबार उद्घाटन गर्नु भएको हो । मेयर बस्नेतकै विशेष चासोमा उक्त सडकको ट्र्याक खोलिएको हो ।
छोटो दुरिको सडक बने संगै पालिकाको प्रशासनीक केन्द्र गाईघाटबाट नेपाने जान पहिले भन्दा एक घन्टा बढी हिड्न पर्नेमा अहिले ३० मिनेटमा पुग्न सकिने भएको छ ।
सगरमाथा राजमार्ग प्रयोग गरेर जाँदा करिव ४० किलोमिटर लामो दुरी पर्नेमा अहिले खोलिएको ट्र्याकबाट १२ किलोमीटर दुरीमानै उक्त स्थान पुग्न सकिने भएको छ।
नयाँ ट्र्याक खोलिए संगै भाङखर्क धापखर्क सिक्रेटी र नेपानेका २ सय बढी घर परिवार लाभान्वित भएका छन । उद्घाटन कार्यक्रममा बोल्दै मेयर बस्नेतले अहिले ट्र्याक खोलेर धुले सडक संचालनमा ल्याइएको र आउदो बर्षमा ग्राभेल गरि १२ महिना चल्ने सडक निर्माणमा आफू लागि पर्ने बताउनु भयो । उहाँले छोटो दुरीको सडकले यहाँका नागरिकको समयको बचत हुनुका साथै गाईघाट संगको सम्बन्ध अझ नजिक हुने बिश्वास व्यक्त गर्नु भयो ।
यस्तै बातावरण सचेतता सहितको बिद्यालय सुधार कार्यक्रमको समेत मेयर बस्नेतले सुभारम्भ गर्नु भएको छ । त्रिनपा वडा नं १४ ले आयोजना गरेको उक्त कार्यक्रमले वडाका बिद्यालयहरुका कम्पाउन्डमा विभिन्न किसिमका फुल बिरुवा रोप्दै वातावरणको संरक्षण सहित सचेतनाको कार्यक्रम सुभारम्भ गरिएको छ ।
