गाईघाट – त्रियुगा नगरपालिकाले नगरक्षेत्रमा मोतियाबिन्दु भएका करिब एक हजार बिरामीलाई निःशुल्क शल्यक्रिया गराउन आर्थिक सहयोग गर्ने भएको छ। यसका लागि त्रियुगा नगरपालिका र सगरमाथा चौधरी आँखा अस्पतालबीच सम्झौता भएको छ। सम्झौतापत्रमा नगरप्रमुख बसन्त बस्नेत र अस्पताल सञ्चालक समितिका अध्यक्ष रविन्द्रलाल चौधरीले बिहिबार हस्ताक्षर गरेका छन ।
गाउँघरमै आँखा जाँच शिविर सञ्चालनले यहाँका गरिब, विपन्न, अशक्त, ज्येष्ठ नागरिक र बालबालिकालाई ठूलो राहत मिल्ने नगरप्रमुख बस्नेतको भनाइ छ। “गाउँमा धेरैजसो न्यून आयस्तर भएका नागरिक, गरिब, दलित र विपन्नको बसोबास हुन्छ, उनीहरू स्वास्थ्यमा समस्या आएपछि उपचार गराउन आर्थिक अभावले गर्दा रोगसँग दिनहुँ लडेर बसिरहन बाध्य छन्”, उहाँले भन्नु भयो , “ आँखा जाँच शिविरले गाउँका नागरिकलाई धेरै राहत मिल्नेछ।”
यस अगाडी नगरपालिकाले जिल्ला रेडक्रस सँग सम्झौता गरि त्रियुगा नगरबासीलाई नि:शुल्क रगत उपलब्ध गराउने भएको छ।
