उदयपुर । त्रियुगा नगरस्तरीय वक्तृत्वकला प्रतियोगितामा सगरमाथा मोडेल स्कुल प्रथम बनेको छ । शुक्रबार प्याबसन भवन मोतिगडामा सम्पन्न नगरस्तरीय खुल्ला वक्तृत्वकला प्रतियोगितामा सगरमाथा मोडेल स्कुल गाईघाट प्रथम बनेको हो ।
त्रियुगा नगर प्याव्सनको आयोजनामा भएको प्रतियोगितामा माध्यमिक तह तर्फ सगरमाथाकी छात्रा विशेषता खत्री र आधारभुत तह तर्फ सगरमाथाकै समिक्षा निरौला प्रथम स्थान हासिल गरेकी छिन ।
त्रियुगा नगरपालिकाका १८ वटा विद्यालयहरु विच भएको प्रतियोगितामा माध्यमिक तर्फ लालिगुराँस स्कुलका आयुषा कटुवाल द्धितिय र प्याराडाईज स्कुलका सम्पन्न थापाले तृतिय स्थान हासिल गर्न सफल भएका छन ।
त्यसैगरी आधारभुत तह तर्फ त्रियुगा माविका अनुश कार्की द्धितिय र क्यानभास एकेडेमीका किन्जल बस्नेतले तृतिय स्थान हासिल गर्न सफल भएका त्रियुगा नगर प्याब्सनले जनाएको छ ।
त्रियुगा नगर प्याव्सनका अध्यक्ष लक्ष्यजंग ठकुरीको अध्यक्षतामा भएको कार्यक्रममा विजयी छात्र, छात्राहरुलाई नगर अध्यक्ष ठकुरीले ट्रफि र प्रमाणपत्र सहित पुरस्कृत गर्नु भएको थियो ।
