गाईघाट । उदयपुरको त्रियुगा नगरपालिकाका नगर प्रमुख बसन्त बस्नेतले रक्तदान गरेर रक्तदान कार्यक्रमको उद्घाटन गर्नु भएको छ ।
रक्तदान जीवनदान, मानवतालाई जिवित राखौं भन्ने मुख्य नारासहित नेपाल रेडक्रस सोसाइटीको ६२ औं स्थापना दिवसको अवसरमा सदरमुकाम गाईघाटमा आयोजित रक्तदान कार्यक्रममा नगर प्रमुख बस्नेतले रक्तदान गर्नु भएको हो ।
रक्तदान गर्दै नगर प्रमुख बस्नेतले राजनीति पनि समाजसेवा भएको तर रक्तदान भन्नु नै जीवन दान भएकोले रगतको अभावमा कोही पनि समस्यामा पर्नु हुँदैन भनेर नगरपालिकाले आफ्नो नगरभरिका जनतालाइ नि:शुल्क रगत उपलब्ध गराउने गरि रेडक्रस सोसाइटी सँग सम्झौता गरिसकेको बताउनु भयो ।
सदरमुकाम स्थित पिपल चोकमा भएको कार्यक्रममा नगर प्रमुख बस्नेतले भाषण गरेर र चिया पसलमा बसेर अर्काको कुरा काटेर सेवा सम्भव नभएकोले सबैले मिलेर आफ्नो आदर्श र कर्तव्यलाई व्यवहारमा उतारे त्रियुगा नगरपालिकालाई समृद्ध नगरपालिका बनाउन अब धेरै बेर नलाग्ने उल्लेख गर्नु भयो ।
