उदयपुर । उदयपुर जिल्लाको कटारी नगरपालिका वडा नम्बर १० स्थित सोरुङ्गछविसेका एकै परिवारका आमा र छोरा शङ्कास्पद अवस्थामा मृत फेला परेका छन् ।
सोरुङ्गछविसेका अन्दाजी ४० वर्षीय निर्मला थापा र छोरा ६ वर्षीय आरुस थापा घरभित्रै मृत अवस्थामा भेटिएको जानकारी प्राप्त भएको कटारी नगरपालिकाका वडा नं १० का वडा अध्यक्ष क्षेत्र बहादुर खड्काले जानकारी दिनु भयो ।
आफ्नै घर भित्र रगतले लतपतिएको अवस्थामा सव भेटिएको र बालकको घाटीमा धारिलो हतियारले छिन्ने गरि काटेको अवस्थामा भएटिएको वडा अध्यक्ष खड्काले बताउनु भयो । आफू पालिकाको कामले बिराटनगरमा रहेको बेला घटना घटेकोले घटना घटेको स्थानमा भर्खर जाँदै गरेको र घटनाको बिषयमा मृतक थापाका आफन्तले जानकारी गराएका थिए ।
वडा अध्यक्ष खड्काका अनुसार मृतक थापाका आमा छोरालाई बेलुका नै कसैले हत्या गरेको हुन सक्ने देखिएको छ । मृतकका श्रीमान अशोक थापा अर्की श्रीमती लिएर विगत तीन वर्षदेखि भारतको दिल्लीमा बस्दै आएका छन् । श्रीमान् अर्की श्रीमती लिएर दिल्ली गएपछि अस्मिता गुजारा चलाउन सामान्य पसल गरेर गाउँमै बस्दै आएको उहाँले बताउनुभयो ।
