गाईघाट । काेशी ब्यारेजमा यात्रुबाहक बस खसेको छ । बिहीबार को १ ख ४६०१ नम्बरको यात्रुबाहक बस बिराटनगरबाट गाईघाट जाने क्रममा सप्तकोशी नदीमा खसेको हो ।
कोशी ब्यारेजको ३६ नम्बर ढोकाअगाडिबाट यात्रुबाहक बस पानीमा खसेको जिल्ला प्रहरी कार्यलय सुनसरीले जनाएको छ । पानीको वहाब नरहेको स्थानमा बस खसेको जानकारी गराएको जिल्ला प्रहरी कार्यलय सुनसरीका अनुसार उद्धारका लागि प्रहरी टोली पठाएको बताएको छ ।
जिल्ला प्रहरी कार्यालय सप्तरीका डिएसपी एवं प्रवक्ता कुन्डिराज न्यौपानेका अनुसार १२ जना यात्रुको सकुशल उद्धार भइसकेको र केही यात्रुलाई उपचारका लागि नजिकैको अस्पताल पठाइएको छ ।
