उदयपुर। स्थानीय तहको उपनिर्वाचनमा उदयपुरका दुई वटा वडामा शान्तिपुर्ण रुपमा मतदान सकिएको छ । त्रियुगा नगरपालिकाको वडा नं १२ र बेलका नगरपालिका वडा नं ९ मा भएको उपनिर्वाचनमा त्रियुगामा ६६ % र बेलकामा ५९% मत खसेको छ ।
त्रियुगाको वडा नं १२ मा ३ हजार ८ सय ४७ मतदाता रहेकोमा १ हजार ४ सय २ महिला र १ हजार १ सय २५ पुरुष गरि २ हजार ५ सय २७ जना मतदाताले मतदान गरेका छन। यस्तै बेलकामा ३ हजार १ सय ३६ जना मतदाता रहेकोमा १ हजार ५ महिला र ८ सय ८० पुरुष गरि १ हजार ८ सय ८५ जना मतदाताले मतदान गरेका छन । दुवै स्थानमा बिहान ७ बजे देखि साझ ५ बजे सम्म मतदान भएको थियो ।
अव बेलुकाको १० बजे बाट मत गणना शुरु गरिने मुख्य निर्वाचन अधिकृत दिपक खरेलले जानकारी दिनुभएको छ । दुइवटै वडाका वडा अध्यक्षहरु मोटरसाइकल दुर्घटना परि निधन भए पछि रिक्त रहेको वडा अध्यक्ष पदका लागि निर्वाचन भैरहेको हो । यस अघिको निर्वाचनमा बिबाद भएको त्रियुगा १२ मा शान्ति सुरक्षाका लागि नेपाल प्रहरी नेपाली सेना र सशस्त्र प्रहरी खटाइएको थियो। यद्यपि कुनै विवाद बिना दुवै वडाको मतदान सकिएको प्रमुख जिल्ला अधिकारी हरि प्रसाद घिमिरेले जानकारी दिनुभएको छ।
