त्रियुगा नगरपालिकाले लक्षित तथा विपन्न वर्गका लागि बनाएर दिने सुरक्षित आवस निर्माणको काम ८० प्रतिशत सम्पन्न भएको छ । नगरपालिकाले ७ वटा वडाका अति विपन्न वर्गका परिवारका लागि ८० वटा सुरक्षित आवस निर्माण गरिदिन लागेको हो ।
त्रियुगा नगरपालिकाको सभाहलमा भएको अन्तरक्रिया कार्यक्रममा साझेदार संस्था ह्याबिट्याट फर ह्युम्यानिटिका प्रतिनिधिले यस्तो बताएका हुन । अन्तर्राष्ट्रिय संस्था सँगको सहकार्यमा नगरपालिकाले वडा नं २, ३, ४,५, ७, ८ र वडा नं १० गरि ७ वटा वडामा २ बेड रुम एक किचन र टुवाईलेट सहितको आवास निर्माण गरेर निशुल्क वितरण गरिरहेको छ ।
स्थानीय बाँसलाई केमिकल प्रयोग गरि टृटमेन्ट गरि बनाईने आवस सुरक्षाका हिसावले पनि भुकम्प प्रतिरोधात्मक हुनेछ । खानेपानी, बिजुली, सडक सवैको पहुँच भएको स्थानमा घर निर्माण गरेर अतिविपन्नलाई वितरण गरिरहेको नगरपालिकाका नगरप्रमुख बसन्त बस्नेतले बताउनु भयो ।
“अहिले नगरपालिकाले संस्था सँग मिलेर आवास निर्माण गरिरहेको छ ।, आवास निर्माण गर्ने क्रममा सम्पुर्ण स्थानीय सामाग्री प्रयोग गरिएको छ र स्थानीय श्रमिकलाई तालिम दिएर काम लगाइएको छ ।,” नगर प्रमुख बस्नेतले भन्नु भयो, “अव सके सम्म यहि संस्था सँग नभए अर्को संस्था सँग मिलेर आवास निर्माणको योजनालाई आफ्नो कार्यकाल भर पुर्याउने, कुनै संस्था नपाए लाभान्वित सँग आधा-आधा गरेर भए पनि यो परियोजनालाई निरन्तरता दिइनेछ ।”
करिव ५ लाख बराबरको लागतमा निर्माण हुने आवसमा स्थानीय बासलाई टृटमेन्ट गरि प्रयोग गरिएको छ भने आवस निर्माण गर्न चाहिने आवश्यक कामदार र बाँसलाई टृटमेन्ट गर्ने व्यवस्था स्थानीय सतरमानै गरिएको हुनाले अव आउने दिनमा यस्ता सुरक्षित आवास बनाउन बाहिर जान नपर्ने नगर प्रमुख बस्नेतले बताउनु भयो ।
कार्यक्रममा नगर उपप्रमुख महेश्वरी राई, प्रमुख प्रशासकीय अधिकृत बिष्नुभक्त सिग्देल, लाभान्वित वडाका वडा अध्यक्षहरु र स्थानीय साझेदार संस्था हुरन्डेकका प्रतिनिधि उपस्थित थिए ।
