त्रियुगा नगरपालिकाले गर्यो कृषि तथा पशुपालन बिषयमा प्राविधिक सहयोग आदानप्रदान गर्न इलाम र बिर्तामोड नगरपालिकासँग समझदारी

Logo
शनिबार, चैत्र १५, २०८१

गाईघाट । उदयपुरको त्रियुगा नगरपालिकाले झापाको बिर्तामोड नगरपालिका र इलामको इलाम नगरपालिकासँग कृषि  क्षेत्रको प्राविधिक बिषयमा एकापसमा सहयोग आदानप्रदान गर्ने समझदारी गरेको छ ।

पालिकामा कृषिको दिगो बिकास र कृषिमा आत्म निर्भर भन्ने उदेश्यले अन्यपालिकाले गरेका असल अभ्यासलाई आफ्नो पालिकामा कार्यन्वयन गर्ने उदेश्यले सहयोग आदानप्रदान गर्ने समझदारी गरेको हो ।

इलामको इलाम नगरपालिकाले स्थानीय गाईको दुधबाट छुर्पि र स्थानीय वाली कोदोबाट बिस्कुट उत्पादन गर्दै आएको छ । छुर्पि र कोदोको बिस्कुट उत्पादन त्रियुगा नगरपालिकामा पनि गर्न सकिने हुँदा  त्यो सम्बन्धि ज्ञान भएका प्राविधिकलाई ल्याएर तालिम दिन र लिन दुवै नगरपालिका सहमत भएर आपसी सहयोग गर्ने सहमति भएको हो ।

यस्तै झापको बिर्तामोड नगरपालिकाले तरकारीमा आफु आत्मनिर्भर बन्न बनाएको गुरुयोजनालाई त्रियुगामा कार्यन्वयन गर्न र गराउन दुवै पालिकाले समझदारी गरेका छन । बिर्तामोड नगरपालिकाले तरकारीमा आत्मनिर्भर बन्न कृषि एम्बुलेन्स, कोल्डस्टोर, समर्थन मुल्य निर्धारण गरि पालिकाले अनुदान दिने गरेको र कृषि संकलन केन्द्र स्थापना गरि कृषकले उत्पादन गरेको तरकारीलाई बिक्रिवितरण आफैले बिक्रीवितरण गर्दै आएको छ ।

त्रियुगा नगरपालिकालाई पनि तरकारीमा आत्म निर्भर बनाउन बिर्तामोड नगरपालिकाले अपनाएका सम्पुर्ण असलअभ्यासलाई कार्यन्वयन गराउन दुवै पालिकाले प्राविधिक सहयोग गर्ने समझदारी गरेका हो ।

कृषिमा आत्म निर्भर बन्ने उदेश्यले त्रियुगा नगरपालिकालले  कृषि तथा पशुपालनको क्षेत्रमा काम गर्दै गरेको अन्तर्राष्ट्रिय गैर सरकारी संस्था हेफर इन्टरनेशनल कृषी तथा पशुपालन सम्बन्धि साझेदारी परियोजनामा अगाडि बढाएको छ । सोही परियोजनाको समन्वय समितिको बैठक तथा हेफर आधारशिला तालिम कार्यक्रममा इलाममा पुगेको नगर प्रमुख बसन्त बस्नेत सहित नगरपालिकाको टोलीले इलाम नगरपालिका र बिर्तामोड नगरपालिका विच कृषि क्षेत्रको प्राविधिक बिषयमा सहयोग आदानप्रदान गर्ने समझदारी गरेका हुन ।

कृषि तथा पशुपालनमा नगरपालिकालाई आत्म निर्भर बनाउदै युवा उद्यमशीलता बढाउने उदेश्यलाई आफ्नो कार्यकालमा सम्पुर्ण आधारशिला तयार गर्ने उदेश्य अनुरुप अन्यपालिकाले गरेका असल अभ्यासलाई पनि अनुशरण गर्दै त्यहाँको प्राविधिक बिषयलाई त्रियुगामा कार्यन्वयन गराउन दुई पालिका सँग एकापसमा सहयोग गर्ने समझदारी गरिएको नगर प्रमुख बसन्त बस्नेतले बताउनु भयो ।

तपाईको प्रतिक्रिया
हाम्रो टिम

अध्यक्ष/प्रकाशक: खेमराज दाहाल

बरिष्ठ सम्पादक : पर्शुराम थापा

सम्पादक: शुसिला रेग्मी

सम्पर्क

सम्पर्क : ९८४०१६५५३५/९८५२८६५५३५
ठेगाना :-उदयपुर गाईघाट
सुचना बिभाग दर्ता नम्बर – २१५८/ ०७७-७८
इमेल:[email protected], [email protected]

हाम्रो बारे

solutonkhabar.com  अनलाइन खोज मुलक समाचारको डिजिटल समाचार माध्यम हो । मोफसलमा क्रियाशिल संचारकर्मीहरु द्वारा संचालित solutonkhabar.com र सोलुसन अनलाइन टेलीभिजनमा समसामयीक र नागरिकका असंतुष्टिहरु केलाउदै समाधान को प्रयास खोज्ने गरिन्छ ।

error: Sorry